كيكة التراميسو

التراميسو عبارة على طبقتين كيك وحده بشوكولاته و وحده بيضه بالفانيلا و طريقه الكيكتين نفس الشي و الاختلاف انو بنحط كاكاو على وحده منهم .. اول شي بتحضري الكريمة اللي هيي عباره عن علبه جبنه كيري 6 قطع + علبه كريمة سائل تاعت الحلويات بكون مرسوم عليها كرزة و بكيت واحد كريمة بيضا بودرة بتخلطيهم مع بعض و بتحطيها و ازا شفتيها جامده كتير بتضيفي عليها حليب سائل لحد ما تلاقيها صارت منيحه معك وبتحطيها بالتلاجه ...... طريقه الطبقه الاولى 3 بيضات فانيلا و كاستين طحين و كاستين حليب سائل وكاسه زيت كاسه سكر و بيكنج باورد و 4 معالق كاكو غامق مر بتعملي الكيكه بالطريقه التقليديه السوائل بتخلطيها على الخلاط و بعدا بتضيفيها على الطحين و الباكنغ باودر و بتحطيها بقالب التشيز كيك و بدخليها للفرن تقريبا بدها نص ساعه و بس تجهز بتتركيها تبرد و بتقيمي وشها بس قيمي طبقه رقيقه منهالتحطي الطبقه التانيه عليها و تمسكها .... و بتعملي كيكه تانيه نفس الطريقه الاولى بس بدون كاكاو .. على جنب بتجهزي بكاسه كبيرة تلت ارباع مي سخنه فيها 3 معالق نسكافي و معلقتين سكر بتشربي الطبقه الاولى كيكة الشوكولاته نص مقدار كاسه النسكافي و حاولي توزعيها على الكيكه كامله بعد ما تحطي النسكافيه على الكيكه الاولى بتغطيها بالكريما اللي عملتيها بالاول طبعا مو كل الكميه حطي كميه منيحة و ا عملي حساب انو بدنا نغطي الكيكة من برا كلها .. بعدها بنحط الكيكة البيضه على الكريمة و بنشربها بباقي النسكافيه و بعدها بنفك القالب لندهن الكيكة كلها بباقي الكريما البيضا و بنرش وجه الكيكه بكاكاو بالمنخل و بنلف الكيكه بالكتكات و بنربطها بشبره و بنحط بالاخر حبات شوكولاته الملتيزر .. وصحتين و عافيه ان شاء الله اكون الطريقه واضحه