المفتول من الاكلات الشعبية الفلسطينية

الطريقة :أول شي مننقع البرغل حبته وسط بماء عادي مايكون سخن مانكتر عليه مي بس لغمرته مدة نص ساعة والطحين بكون طحين قمح خصوصي للمفتول منسعمل تشط حجم كبير عشان حرية الحركة منحط شوية برغل وعليه طحين ومنصير نحرك ايدينا بحيث نلف الطحين مع البرغل ومنرش شوية مي منكون حاطينه بابريق شاي وبنكرر العملية حتى نشوف شكله حبة مفتول منشيل الجاهز ومنكرر العملية كمان مرة منضيف برغل وطحين بكون اله طنجرة خاصة مندهن مصفايتها بزيت ذرة ومنحط المفتول فيها ومنحط بالنص بصلة مفرومة ناعمة مفروكة مع زيت وبهارات وكمون وبالطنجرة اللي تحت المصفاة منوضع ماء تقريبا نصها ونوضع الطنجرة عالغاز ومنراقبه حتى يتفتح الحب ويستوي بعدين بنسكب بتشط نظيف وبتحلل عن بعضه وبزيد عليه زيت زيتون وملح وبهارات وكمون وبفركه كويس هيك بكون جاهز ناشف...
ثانيا:نجهز المرقة الي هي مرقة دجاج ونضيف عليها سلصة بندورة وبصير منغير السلصة والحمص المسلوق وشبار البصل وكمون ومنتركه يغلي بعدين منضيف جزء من المرقة على المفتول بطنجرة تانية وبتطبخ سوا متل ماتفلفلي فريكة او رز ويقدم الى جنبه المرقة...