المسيلوقات وما أدراك ما المسيلوقات

المسيلوقات عجينتا تماما متل عجينة الكبيبات يعني منجيب البرغل ومنغسلو مظبوط ومنرطبو بمي ومنتركو ينفش وبعدين منضيف طحين شوي ورا شوي ليتكون هنا عجينة متل عجينة الكبة تماما ومن دون ماكينة كبة أكيد ..
تقريبا لكل كاستين برغل ناعم كاستين طحين وممكن اكتر شوي حسب كل نوع طحين
الحشوة :منفرم بصل ناعم ومنقلي بزيت ليصير لونو دهبي وبعدين منضفلو سلق مفروم ناعم ومغسول مظبوط ومعصور كمان مظبوط ومنفلبون مع بعض ليدبل السلق وبس يدبل منضيف حمص مسلوق وملح فوقون ومنحركتين تحريكتين ومنطفي النار وممكن نحطون كمان بمصفاية لينزل منهم مي اذا بقيان مي .. وهلأ منعمل كرات من العجينة ومنشكلا متل قرص الكبة المقلية ومنحشيا بالحشوة ومنسكر القرص ومنحضر مي عالنار وبس تغلي المي مننزل الاقراص ومنتركون يتقلبو بالمي 7 دقايق عنار وسط وبعدا منشيلون منصفيون ... وهلأ منحطون بجاط ومنعمل تتبيلة الوجه اللي هي بقدونس ونعنع اخضر مفرومين ناعم ومغسولين ومعصورين ومندقين سنتين توم ومنعصر الحامض ودبس رمان ودبس فليفلة وزيت زيتون منحركون كلون مع بعضون ومنحطون على وجه المسيلوقات وصحتين ومية هنا يارب